Qərb liderlərinin Rusiya ilə danışıqlardan imtina etməsi səhvdir.

Oxu24.com  xəbər  verir  ki, Bu fikri “Exxpress”ə müsahibəsində Macarıstanın baş naziri Viktor Orbanın müşaviri Balaz Orban bölüşüb.

“Biz ruslarla danışıb danışıqlara başlamalıyıq. Qərb dövlət və hökumət başçıları bundan imtina edirlər. Onlar Moskva ilə danışmaq istəmirlər. Fikrimizcə, bu, səhvdir”, - deyə müşavir bildirib.

O, Moskva ilə kommunikasiya kanallarının bərpasının vacibliyini qeyd edib ki, bu da atəşkəs rejiminin müzakirəsinə imkan verəcək və daha sonra diplomatik missiyaya gətirib çıxaracaq.

Orban həmçinin ABŞ, Avropa və Rusiya arasında Ukraynaya da təsir edəcək uzunmüddətli razılaşmanın zəruriliyini bildirib.

Fevralın 10-da Macarıstanın xarici işlər naziri Peter Szijyarto bildirib ki, Budapeştə Qərb ölkələri yalnız Ukrayna üzrə sülh danışıqlarının tərəfdarı olduğu üçün ciddi hücuma məruz qalır.

Bundan əvvəl Macarıstan hakimiyyəti Ukraynaya heç vaxt silah verməyəcəklərini bəyan etmişdi.

Miri