Rusiya prezidenti Vladimir Putinin Türkiyəyə səfəri  təxirə salınıb.

Oxu24.com  xəbər  verir  ki, bu barədə Türkiyənin “Hürriyet” qəzetinin jurnalisti Hande Fırat X sosial şəbəkəsində (keçmiş Twitter) məlumat verib.

Onun sözlərinə görə, buna səbəb “iki ölkədə keçiriləcək seçkilərin qrafiki və məşğulluq” olub.

Ötən həftə Putinin fevralın 12-də Türkiyəyə səfər edəcəyi xəbəri yayılmışdı.

Yanvarın 29-da Rusiya Federasiyası Prezidentinin köməkçisi Yuri Uşakov bildirib ki, Putinin Türkiyəyə səfəri fevralda planlaşdırılıb.

Bundan əvvəl Ankaradakı diplomatik mənbə bildirib ki, Putin və Türkiyə prezidenti Rəcəb Tayyib Ərdoğan fevralda Türkiyədə keçiriləcək görüşdə Ukraynanı müzakirə edəcəklər. Mövcud məlumata görə, iki ölkə liderləri taxıl sazişinin yenilənməsi və regional Yaxın Şərq gündəmini də müzakirə edəcəklər.

Ərdoğan deyib ki, o, Putinlə taxıl dəhlizi ilə bağlı danışıqlara ümid edir. Türkiyə prezidenti ümidvar olduğunu bildirib ki, Ankara Rusiya prezidentindən müsbət cavablar alacaq və yoluna davam edəcək.

 Miri