NATO Rusiya ilə müharibə hazırlığını inkar edir

NATO-nun “Sabit müdafiəçi-2024” təlimləri alyansın Rusiya Federasiyası ilə mümkün münaqişəyə hazırlaşdığına işarə etmir.

Musavat.com xaici mediaya istinadla xəbər verir ki, bu barədə Financial Times (FT) qəzetinə istinadən NATO hərbi qərargah rəisinin köməkçisi Qunnar Brüqner bildirib.

“Biz heç kimlə müharibəyə hazırlaşmırıq. Biz reallığa yaxın situasiyaya hazırlaşırıq”, - Brugner təlimlərin NATO-nun Rusiya ilə münaqişəyə hazırlığının bir forması olub-olmaması sualını cavablandırarkən deyib.

O, əlavə edib ki, qoşun hazırlığı əsgərlər üçün stress sınağı və eyni zamanda çəkindirmə mesajı göndərmək üsuludur.

Yanvarın 31-də RİA Novosti agentliyi xəbər verib ki, NATO-nun “soyuq müharibədən bəri ən böyük “Sabit müdafiəçi-2024” təliminin aktiv mərhələsi Rusiya sərhədləri yaxınlığında başlayıb. Təlimdə alyansın bütün 32 ölkəsindən 90 min hərbçi iştirak edir. Manevrlər Baltikyanı ölkələrdə, Polşa və Almaniyada keçirilir.

Kremlin sözçüsü Dmitri Peskov daha sonra bildirib ki, Rusiya açıq şəkildə NATO təlimlərini təhlükə kimi qəbul edir.