ABŞ-ın keçmiş prezidenti Donald Tramp deyib ki, yalnız axmaq və ya radikal solçu demokrat ABŞ Senatının Ukraynaya yardım etmək və Amerika sərhədini qorumaq üçün təqdim etdiyi “dəhşətli” qanun layihəsinə səs verəcək.

Oxu24.com  xəbər  verir  ki, bu barədə RİA Novosti məlumat yayıb.

Trampın sözlərinə görə, sənədin yeni variantı “demokratlara böyük hədiyyə” və Respublikaçılar Partiyası üçün pis arzudur.

O vurğulayıb ki, ABŞ-ın sərhədlər və immiqrasiya ilə bağlı ayrıca qanun layihəsi lazımdır, bu, xarici yardımlara bağlanmamalıdır.

Bundan əvvəl Ali Radanın deputatı Yaroslav Jeleznyak bildirib ki, ABŞ Senatında Ukraynaya 60 milyard dollar məbləğində yardım göstərməklə bağlı razılaşma ən azı fevralın sonuna qədər Nümayəndələr Palatasında “ilişib qalacaq”.

Demokratların nəzarətində olan ABŞ Senatı qanun layihəsini fevralın 4-də təqdim edib. Ağ Evlə birgə hazırlanmış bu ikitərəfli paketə sərhəd təhlükəsizliyi üçün 20,23 milyard dollar, Ukrayna üçün 60,06 milyard dollar, İsrail üçün 14,1 milyard dollar və Hind-Sakit okean regionunda tərəfdaşlar üçün 4,83 milyard dollar daxildir.

Bundan əvvəl Tramp Ukrayna münaqişəsini 24 saat ərzində necə həll etməyi planlaşdırdığını bildirib.

Nigar