13:33

Qubada ağır yol qəzasında xəsarət alanlardan biri ölüb.

Milli.Az report-a istinadən xəbər verir ki, bu gün səhər saatlarında Qusar-Quba yolunun 4-cü kilometrliyində baş verən avtomobil qəzasında xəsarət alan 5 nəfərdən biri, 1954-cü il təvəllüdlü Əliyev Nazif Nəriman oğlu xəstəxanada ölüb.

Qəzada yaralanan digər 4 nəfərin isə müalicələri xəstəxanada davam etdirilir.

-------

10:55

Quba-Qusar yolunun Quba rayonunun Xucbala kəndi ərazisindən keçən hissəsində ağır yol-nəqliyyat hadisəsi baş verib.

Milli.Az APA-ya istinadən bildirir ki, "VAZ 2109" və "Opel" markalı avtomobillərin toqquşması nəticəsində 5 nəfər ağır xəsarətlər alıb. Xəsarət alanlar - 1979-cu il təvəllüdlü Zülfüqarov Elzamin Seyfulla oğlu, 1989-cu il təvəllüdlü Balayev Nurlan Cavanşir oğlu, 1985-ci il təvəllüdlü Əlixanov Elnur Ərəstun oğlu, 1954-cü il təvəllüdlü Əliyev Nazif Nəriman oğlu və 1980-ci il təvəllüdlü Süleymanov Qahir Asəf oğlu Qusar rayon Mərkəzi Xəstəxanasına yerləşdirilib.

Faktla bağlı araşdırma aparılır.