Ötən il respublikanın cənub-şərqində baş vermiş dağıdıcı zəlzələlərin qurbanları Türkiyə hökumətindən yeni evlərin açarlarını alıblar.

Oxu24.com  xəbər verir ki, mərasim Hatay vilayətində prezident Rəcəb Tayyib Ərdoğanın iştirakı ilə baş tutub.

Dövlət başçısının sözlərinə görə, 7275 vətəndaşa ev açarları təqdim olunub. O, həmçinin bildirib ki, iki ay ərzində zəlzələ zonasında 75 min evin tikintisi başa çatdırılıb, ilin sonuna kimi zərərçəkənlər üçün 200 min evin istifadəyə verilməsi planlaşdırılır.

Ötən il fevralın 6-da Türkiyənin cənub-şərqində yerləşən Kahramanmaraş vilayətində 7,7 və 7,6 bal gücündə zəlzələlər baş vermiş və geniş dağıntılara səbəb olmuşdu. Türkiyədə baş verən zəlzələdən sonra təkanlar Suriya, İran və bir sıra digər yaxın ölkələrdə də eşidilib.

Avqust ayında Türkiyənin aparıcı seysmoloqu Naci Görür ölkənin dağıdıcı zəlzələlər dövrünə qədəm qoyduğunu bildirmişdi. O, İstanbulda təhlükəli yeraltı təkanların baş vermə ehtimalının yüksək olduğunu xatırladıb və bu istiqamətdə ciddi işlərə başlamağı tövsiyə edib.

Bundan əvvəl yapon seysmoloqu Türkiyədə daha da güclü zəlzələ olacağını proqnozlaşdırmışdı.

Müəllif: Miri