ABŞ Prezidenti Co Bayden və Çin Sədri Si Cinpin yaxın vaxtlarda yeni telefon danışığı aparmaq niyyətindədirlər. "Oxu24.com"un xarici KİV-ə istinadən verdiyi məlumata görə, bunu ABŞ Prezidentinin milli təhlükəsizlik üzrə müşaviri Ceyk Sallivan deyib. "Biz razılaşdıq ki, Prezident Bayden və Sədr Si arasında tezliklə danışıq aparmaq lazımdır", - o, Xarici Əlaqələr Şurasında çıxışı zamanı deyib. Sallivan, ABŞ və Çin liderlərinin "nisbətən tezliklə" telefonla danışacağını söyləyib. O qeyd edib ki, Bayden və Si arasında şəxsi ünsiyyətə alternativ ola bilməz. Oxu24.com