Rusiyanın S7 aviaşirkətinə məxsus Airbus A320 təyyarəsi Domodedovo hava limanına eniş edərkən mühərrikində nasazlıq yaranıb.

Bu barədə “Aviatorschina Telegram” kanalı məlumat yayıb.

Hadisənin Omskdan Moskvaya uçan təyyarədə baş verdiyi dəqiqləşir. Paytaxtın hava limanına 1,2 min metr hündürlükdə enən zaman pilotlar qəza siqnalı verib və sağ mühərrikin nasazlığı barədə məlumat veriblər. Bundan sonra hava limanında “Həyəcan” siqnalı verilib. Bir neçə dəqiqədən sonra təyyarə təhlükəsiz şəkildə Domodedovoda eniş edib.

Bundan əvvəl mühərriki nasaz olan S7 Airlines-a məxsus Boeing 737-800 təyyarəsi Ulan-Udedən Moskvaya uçmağa cəhd edib. Təyyarədə 160 nəfər olub, onların hamısı terminala qaytarılıb.

Nigar