“Le Parisien” qəzetinin istintaqa yaxın mənbəyə istinadən verdiyi məlumata görə, Fransa ərazisini tərk etmək əmri alan Ermənistandan olan qeyri-qanuni miqrantlar Fransada etiraz aksiyasında fermerləri vuran avtomobildə olub, nəticədə bir nəfər ölüb.

Oxu24.com xəbər  verir  ki,nəşrin məlumatına görə, avtomobildə Ermənistandan olan 3 nəfər olub və onlar hadisə yerində saxlanılıb.

Onlar 2022-ci ildən qaçqın statusu tələb edirlər, lakin 2023-cü ilin payızında nəhayət ki, bundan imtina edilib və ölkəni tərk etmək əmri verilib.

Lakin polisin aydınlaşdırdığı kimi, onlar xüsusi xidmət orqanlarında qeydiyyatda olmayıblar və onların dərhal deportasiyasına təcili ehtiyac yoxdur.

Hadisə nəticəsində iki qeyri-qanuni mühacir xəstəxanaya yerləşdirilib.

Hazırda polis magistralın bu hissəsində etiraz aksiyası keçirən fermerləri qəsdən vurub-vurmadığını müəyyənləşdirir.

Yoxlama zamanı 44 yaşlı sürücünün qanında narkotik və ya spirt izi aşkar edilməyib.

Müəllif:Afət