ABŞ-ın İraqın qərbindəki Ənbar əyalətindəki Ayn əl-Əsəd aviabazasına raket zərbələri endirilib.
Oxu24.com xəbər verir ki, bu barədə “AlHadath” telekanalı məlumat yayıb.
Təhlükəsizlik mənbəsi telekanala bildirib ki, Ayn əl-Əsəd bazasına 20-dən çox raket atılıb.
O qeyd edib ki, raketlərin hərbi bazaya doğru atıldığı ərazidə təhlükəsizlik yoxlamaları aparılıb.
Hücuma görə məsuliyyəti Livan Hizbullahı və İraqın ən-Nucaba qruplaşması öz üzərinə götürüb, Əl-Hadath qeyd edib.
Fələstin-İsrail münaqişəsinin kəskinləşməsi başlayandan bəri İraqdakı Amerika bazaları, eləcə də Suriyadakı Amerika hərbçiləri müntəzəm olaraq atəşə tutulub.
Hücumlara görə məsuliyyəti İraqda fəaliyyət göstərən silahlı şiə qrupları öz üzərinə götürür.
Məsələn, yanvarın 18-də pilotsuz təyyarə ABŞ-ın İraq Kürdüstanındakı bazasına hücum edib.
Bir neçə gün əvvəl şiə qrupları İraq və Suriyada ABŞ-ın üç hərbi bazasına hücumlar təşkil etdiklərini açıqlamışdı.
Müəllif:Afət
ŞƏRHLƏR