19-20.09.2023-cü il tarixlərində keçirilmiş antiterror tədbirlərində şəhid olan, MAHHXHQ Sadıqov Ceyhun Niyaməddin oğlu 2002-ci ilin avqust ayının 26-da İmişli rayonunun Şahverdili kəndində anadan olub.

2018-ci ildə Bakı şəhəri,Cahangir Cahangirov adına 4 nömrəli tam orta məktəbi bitirib.
Hələ uşaq vaxtlarından idmana marağı ilə seçilib. İdmanın qaydasız döyüş növü ilə məşğul olub.

2020-ci ilin oktyabrında Hərbi Xidmətə yollanıb. Xüsusi Təyinatlı Hərbi Hissədə xidmət edib.
Şuşada,Kəlbəcərdə və Laçında xidməti tapşırıqları həyata keçirib.

Xankəndi-Xəlfəli istiqamətində gedən döyüşlər zamanı 1630 metr yüksəklikdə olan post uğrunda qəhrəmancasına şəhidlik zirvəsinə yüksəlib.

Döyüşlərdə göstərdiyi qəhrəmanlığa görə Azərbaycan Respublikasının Prezidenti cənab İlham Əliyevin müvafiq Sərəncamlarına əsasən Ceyhun Sadıqov ölümündən sonra 3-cü dərəcəli "Vətənə xidmətə görə" ordeni və “Vətən uğrunda” medalı ilə təltif edilib.

Sadıqov Ceyhun Niyaməddin oğlu 2-ci Fəxri Xiyabanda dəfn edilib.