Yanvarın 17-də Rusiyada benzin və dizel yanacağının qiyməti artmaqda davam edir.

Oxu24.com  xəbər  verir  ki, bunu Sankt-Peterburq Beynəlxalq Əmtəə və Xammal Birjasının  məlumatları sübut edir.

Ən çox Aİ-95 markalı benzin bahalaşıb. Yanacağın qiyməti 2,15% artaraq bir ton üçün 45 948 rubl təşkil edib. Aİ-92 markalı benzinin qiyməti 1,58% artaraq bir ton üçün 42 938 rubl təşkil edib.

Yay dizelinin dəyəri 1,2% artaraq bir ton üçün 53 225 rubl təşkil edib. Mövsümdənkənar dizelin qiyməti bir ton üçün 54 610 rubla (+1,13%) çatıb. Qış dizeli cəmi 0,16% artaraq ton başına 59 555 rubl səviyyəsinə çatıb. Eyni zamanda, mazutun qiyməti 8,01% artaraq bir ton üçün 14752 rubl təşkil edib.

Bu arada təyyarə yanacağı çərşənbə günü 3,82% ucuzlaşaraq bir ton üçün 77 652 rubl təşkil edib. Eyni zamanda, mayeləşdirilmiş karbohidrogen qazlarının (LPG) qiyməti bir ton üçün 20 270 rubla (-2,32%) düşüb.

Bundan əvvəl Rusiya Nazirlər Kabineti benzin ixracına mümkün qadağa ilə bağlı məlumatları təkzib etmişdi.

Daha əvvəl bildirilmişdi ki, “Lukoyl” hadisədən sonra Nijni Novqorod neft emalı zavodunda bir blokun işini dayandırıb.

Müəllif:Nigar