Rusiya hava hücumundan müdafiə sistemi Belqoroda yaxınlaşarkən təyyarə tipli dronu vurub.

 

Oxu24.com xəbər  verir  ki, bu barədə Belqorod vilayətinin qubernatoru Vyaçeslav Qladkov özünün Telegram kanalında məlumat verib.

 

Onun sözlərinə görə, əməliyyat xidmətləri yerlərdə fəsadlar barədə məlumatları dəqiqləşdirir.

 

Rayon rəhbərinin dediyi kimi, ilkin məlumatlara görə, hadisə nəticəsində xəsarət alan olmayıb.

 

O, əlavə edib ki, iki fərdi evə ziyan dəyib: pəncərələr sındırılıb, hasar kəsilib və yardımçı tikili zədələnib.

 

Bir gün əvvəl Rusiya Müdafiə Nazirliyi Rusiyanın hava hücumundan müdafiə sistemlərinin Ukraynanın 23 pilotsuz uçuş aparatını vurduğunu bildirib.

 

Yanvarın 10-da Rusiya Müdafiə Nazirliyi Ukraynaya məxsus pilotsuz təyyarənin Saratov vilayətinin hava məkanında məhv edildiyini açıqlayıb.

 

Bundan əvvəl Rusiyanın hava hücumundan müdafiə sistemləri Oryol vilayəti üzərində səmada üç Ukrayna pilotsuz təyyarəsini məhv edib. Daha sonra şəhərin meri Yuri Paraxin bildirib ki, vurulan PUA-lardan biri yıxılan zaman yaşayış binasına ziyan vurub.

 

Müəllif:Afət

 

Oxu24.com