17:14

Baş Dövlət Yol Polisi İdarəsi Elvin Basqallının düşdüyü qəza ilə bağlı açıqlama verib.

OXU24.COM xəbər verir ki, idarənin şöbə rəisi "Qafqazinfo"nun sorğusuna cavab olaraq bildirib ki, hadisə nəticəsində xəsarət alan olmayıb:

"Bu gün Bakı -Qazax magistralının Kürdəmirdən keçən 196-cı km,  üzü Bakı istiqamətində hərəkət edən Elvin Vahid oğlu Basqallının idarə etdiyi "Hyundai Santafe" markalı 77 YT 210 nömrə nişanlı avtomobil sürüşərək yolun kənarına aşıb. Hadisə vaxtı avtomobildə sürücü Elvin Basqallı,qardaşı Nicat, anası və övladı olub. Onlardan xəsarət alan olmayıb".

---------

16:54

Sosial şəbəkə fenomeni Elçin Lənbəranski bu gün avtomobil qəzası keçirmiş tanınmış aparıcı Elvin Basqallının son durumu ilə bağlı açıqlama verib.

OXU24.COM  konkret.az-a istinadən xəbər verir ki, o, narahatlığa səbəb olmadığını bildirib:

"Narahat olmayın. Çox şükür, Elvin Basqallı və ailəsi yaxşıdır. Olan maşına olsun".

Xatırladaq ki, Kürdəmir rayonunda aparıcının özünə məxsus olan maşın buzlu yolda idarəetməni itirib. Nəticədə avtomobil bir neçə dəfə aşıb. Qəza zamanı Elvin Basqallı ilə yanaşı, oğlu, anası və qardaşı da avtomobildə olub.

--------

15:38

Məşhur aparıcı Elvin Basqallının olduğu avtomobil qəzaya düşüb.

OXU24.COM  xəbər verir ki, manset.az-ın əldə etdiyi məlumata görə, Kürdəmir rayonunda aparıcının özünə məxsus olan maşın buzlu yolda idarəetməni itirib. Nəticədə avtomobil bir neçə də aşıb. 

Qəza zamanı Elvin Basqallı ilə yanaşı, oğlu, anası və qardaşı da avtomobildə olub.

Əlavə məlumat veriləcək.