İndoneziya hələlik Fransadan 12 dördüncü nəsil “Mirage 2000-5” çoxməqsədli qırıcı almaq deyil, bunun əvəzinə ölkədə mövcud olan Rusiyanın “Sukhoi” təyyarələrini və Amerika F-16 qırıcılarını modernləşdirmək qərarına gəlib.

Oxu24.com  xəbər  verir  ki,bu barədə İndoneziya Müdafiə Nazirliyinin rəhbəri Danil Anzar Simanjuntak TV One telekanalında bildirib.

"Hökumət  Mirage təyyarələrinin alınmasını təxirə saldı" ,deyə nazir bildirib.

Onun sözlərinə görə, bu qərar ölkənin maliyyə imkanlarının məhdud olması səbəbindən verilib.

Simanjuntak izah edib ki, yeni müdafiə alqı-satqısı əvəzinə ölkə rəhbərliyi İndoneziyanın artıq anbarında olan Sukhoi və F-16 təyyarələrinin yenilənməsinə göstəriş verəcək.

2022-ci ildə İndoneziyanın Fransadan 42 ədəd Rafale qırıcısı alacağı məlum olub. Bundan əvvəl ABŞ-ın sanksiyaları səbəbindən İndoneziyaya 1 milyard dollar dəyərində 11 ədəd Rusiya Su-35 təyyarəsinin tədarükü ilə bağlı müqavilə yerinə yetirilməmişdi.

Bundan əvvəl Ağ Ev İndoneziya ilə 36 qırıcı təyyarənin satışına dair müqaviləni təsdiqləyib.

Müəllif:Afət