Hadisə şahidləri Ukraynanın Xarkov və Kirovoqrad vilayətlərində partlayışlar olduğunu bildiriblər.

Oxu24.com  xəbər  verir  ki,bu barədə yerli KİV-in Telegram kanalında məlumat verilib.

TSN Telegram kanalı Xarkov vilayətində baş verən partlayışlar barədə məlumat yayıb.

Fəsadları barədə məlumat dəqiqləşdirilir.

Partlayış səsləri Kirovoqrad vilayətinin Kropivnitski şəhərində də eşidilib.

Bölgədə hava hücumu xəbərdarlığı elan edilib. 

Bu səhər Kiyevdə də hava hücumu xəbərdarlığı elan edilib. Ukrayna paytaxtının Desnyanski və Qoloseyevski rayonlarında pilotsuz uçan aparatlardan düşən dağıntılar qeydə alınıb.

Bir gün əvvəl yerli media Kiyevin nəzarətində olan Xersonda partlayışın baş verdiyini xəbər vermişdi.

Bundan əvvəl Ukraynanın şərqində partlayış nəticəsində istilik elektrik stansiyası zədələnib.

Müəllif:Afət