İraq silahlı qrupları Suriyanın şərqindəki Deyr əz-Zor əyalətində Koniko qaz yatağı yaxınlığında ABŞ bazasına hücum edib.

Oxu24.com  xəbər verir  ki,bu barədə Suriyanın “Şam FM” radiostansiyası “İraqdakı İslam Müqavimət Qüvvələri”nə istinadən məlumat yayıb.

Radiostansiyanın məlumatına görə, yatağın ərazisində güclü partlayış səsləri eşidilib.

Dekabrın 31-də “Al Mayadeen” telekanalı Suriyanın şimal-şərqindəki Həsəkə əyalətindəki ABŞ hərbi bazasına pilotsuz uçuş aparatı ilə hücum edildiyini bildirib.

Bundan əvvəl Suriyanın şərqindəki Deyr əz-Zor əyalətindəki qaz yatağındakı Amerika bazasının raket hücumuna məruz qaldığı məlum olub. Əl Ömər qaz yatağı yaxınlığındakı ABŞ bazası da atəşə tutulub.

Ümumilikdə ABŞ-ın Suriya Ərəb Respublikası ərazisində 24 hərbi bazası və dörd nöqtəsi var.

Bundan əvvəl Suriyanın hava hücumundan müdafiə sistemləri Dəməşq səmasında İsrailin raket hücumunu dəf edib.

Müəllif:Afət