Ukraynadan Polşanın hava məkanına naməlum obyekt daxil olub.

Oxu24.com xəbər verir  ki,bu barədə Respublika Silahlı Qüvvələrinin əməliyyat komandanlığı X (keçmiş Twitter) sosial şəbəkəsindəki səhifəsində məlumat yayıb.

“Səhər saatlarında naməlum hava obyekti Ukrayna ilə sərhəd tərəfdən Polşa Respublikasının hava məkanına daxil olub və sərhədi keçdiyi andan siqnal itənədək ölkənin hava hücumundan müdafiə sisteminin radarları tərəfindən müşahidə edilib. ”, - deyə Polşa Silahlı Qüvvələrinin komandanlığı məlumat yayıb.

Hərbçilər öz qüvvələrini və hava hücumundan müdafiə sistemlərini yüksək döyüş hazırlığı vəziyyətinə gətiriblər, əməliyyat komandanlığının mətbuat katibi Yaçek Qorışevski TVN telekanalına bildirib. Hazırda hadisənin bütün təfərrüatları dəqiqləşdirilir.

Eyni zamanda, Qorışevski obyektin Polşa ərazisinə düşməsi və ya ölkənin hava məkanını tərk etməsi sualına cavab verə bilmədi.

O qeyd edib ki, Polşa hərbçiləri bütün mümkün variantları yoxlayır. Xüsusilə, mümkün dağıntılar üçün axtarışlar aparılır. Hələlik hər şey istintaq mərhələsindədir, deyən Qorışevski “bütün ssenarilərin mümkün olduğunu” əlavə edib.

Hadisə ilə əlaqədar Polşa lideri Anjey Duda Milli Müdafiə naziri Vladislav Kosiniyak-Kamışla telefonla əlaqə saxlayıb. Ölkə prezidenti Polşanın hərbi rəhbərliyi ilə təcili görüş təyin edib.

Lublin Voyevodalığının Dolchobyczow bölgəsində yaşayan insanlar hava obyektinin "böyük sürətlə, yüksək səs-küy və fit ilə" uçduğunu bildirdi. Hadisə şahidlərinin sözlərini RMF FM radiostansiyası sitat gətirib. Həmçinin, onun sözlərinə görə, dağıntıların axtarışı Polşanın Ukrayna ilə sərhədə yaxın şərq rayonlarında aparılır.

Hazırda obyektin yerə düşməsi ilə bağlı rəsmi məlumat yoxdur.

Xatırladaq ki, 2022-ci ilin noyabrında Ukraynanın S-300 hava hücumundan müdafiə raketi Polşa ərazisinə düşüb. Bu məlumatı ABŞ prezidenti Co Bayden və NATO-nun baş katibi Yens Stoltenberq təsdiqləyib. Ukrayna raketinin düşməsi nəticəsində iki nəfər həlak olub. Daha sonra Polşa Müdafiə Nazirliyinin rəsmi nümayəndəsi Ukrayna Silahlı Qüvvələrinin raketinin düşməsi ilə bağlı vəziyyəti qəza adlandırıb, buna Polşa və Ukrayna sərhədində gərgin döyüşlər səbəb olub.

Müəllif: Miri