Məlum olduğu kimi, 2020-ci il sentyabrın 27-də Ermənistan silahlı qüvvələrinin cəbhəboyu törətdiyi genişmiqyaslı təxribatlara cavab olaraq Azərbaycan Ordusu əks-hücum əməliyyatına başladı. İki il əvvəl, oktyabrın 15-i Vətən müharibəsinin 19-cu günü idi. 

Oxu24.com-un  məlumatına görə, Füzulidə döyüşlər hələ də ilk gündəki şiddəti ilə davam edir. Şəhərin taleyini həll etmək üçün Hadrutdakı xüsusi təyinatlıların bir neçə bölməsi də bura cəlb edilir.

Bu əməliyyatda təsadüfən Ermənistan ordusunun artilleriya diviziyasının aşkar edilməsi isə günlərlə Füzulidə dirənən düşmənin belini qırır.

Vətən müharibəsinin bu günü Ermənistan istintaq komitəsi bu əməliyyata görə birbaşa general Calal Arutunyanı ittiham edir. Ermənistan  ordusunun rəhbərliyi hələ də anlaya bilmir ki, ön xətdə döyüşlərin getdiyi bir vaxtda necə ola bilər ki, Azərbaycan ordusu on km-lərlə dərinlikdə onların rəhbər heyətini məhv edə bilir.

Ermənistan ordusunun bu günə qədər tapılmayan polkovnikinin meyiti elə məhv edildiyi Quruçay dərəsində qalır. Onun üzərindən götürülən xəritələr isə onların bu istiqamətdəki digər mövqelərinin də yerini aşkara çıxarır. Vaxt itirilmədən bu mövqelər üçün də əməliyyatlar keçirilir.

Müharibənin 19-cu günündə Füzuli, Cəbrayıl və Xocavəndin daha 6 kəndi azadlığına qovuşur. Füzuli uğrunda son döyüş üçün isə sayılı saatlar qalır. Qarşıda dayanan tək sədd Məngələnata dağıdır...

Xezerxeber.az mövzu ilə bağlı daha ətraflı videomaterialı təqdim edir:

Baxın, 30 gün çörək yeməsək, nə olurmuş? - İNANILMAZ!