Rusiyanın Nijni Novqorod vilayətinin Zavoljye şəhərində kişi bacısının üstünə benzin tökərək yandırıb, qadın ölüb, şübhəli şəxs saxlanılıb.

Oxu24.com xəbər verir ki,bu barədə Rusiyanın region üzrə İstintaq İdarəsinin mətbuat xidməti məlumat yayıb.

“Qadının ölümündən sonra Rusiya Federasiyası Cinayət Məcəlləsinin 105-ci maddəsinin 2-ci hissəsinin “e” bəndində nəzərdə tutulmuş cinayət maddəsi ilə cinayət işi araşdırılır”, - məlumatda deyilir.

İlkin məlumata görə, sentyabrın 28-də Turbinnaya küçəsində kiçik mübahisə zamanı 55 yaşlı kişi bacısına benzin tökərək yandırıb. Qadın aldığı xəsarətlərdən dünyasını dəyişib.

Şübhəli saxlanılıb. O, günahını etiraf edib. Yaxın vaxtlarda kişiyə qarşı ittiham irəli sürüləcək və barəsində həbs qətimkan tədbiri seçiləcək.

Müəllif:Nigar