Gəncədə vətəndaşlara qarşı quldurluq etməkdə təqsirləndirilən Seymur Məmmədov və Yaşar Hüseynovun məhkəməsi başlayır.

Oxu24.com  xəbər verir ki, cinayət işinin ibtidai işi yekunlaşaraq baxılması üçün Gəncə Ağır Cinayətlər Məhkəməsinə göndərilib və hakim Roman Ələkbərlinin sədrliyi ilə araşdırılacaq.

Məhkəmənin hazırlıq iclasının vaxtı hələki məlum deyil.

Cinayət işində 3 zərərçəkmiş var.

Qeyd edək ki, S.Məmmədov və Y.Hüseynov ötən ilin mart ayında vətəndaşa məxsus fərdi yaşayış evinə daxil olaraq əllərindəki odlu silah ilə sakinləri hədələrək pul tələb ediblər.

Həmin şəxslər saxlanılaraq istintaqa təhvil verilən zaman Yaşar Hüseynovdan 1 ədəd “Churchill” markalı ov tüfəngi, həmin tüfəngə aid patronlar da aşkar edilərək götürülüb

S.Məmmədov və Y.Hüseynova qarşı Cinayət Məcəlləsinin 181.2.1-ci (quldurluq, qabaqcadan əlbir olan bir qrup şəxs tərəfindən törədildikdə) maddəsi ilə ittiham edilib.