Bakıda ölümlə nəticələnən qəza ilə bağlı cinayət işi başlanıb.

APA-nın məlumatına görə, aprelin 29-da gecə saat 23 radələrində paytaxtın Nərimanov rayonu, K. Rəhimov küçəsində Bakı şəhər sakini 1999-cu il təvəllüdlü Azad Əliyevin idarə etdiyi “VAZ 2103” markalı avtomobil yolu keçən piyada 1959-cu il təvəllüdlü Fəridə Ələkbərovanı vurub.

Qadın aldığı xəsarətlərdən hadisə yerində keçinib.

Faktla bağlı Nərimanov rayon Polis İdarəsində Cinayət Məcəlləsinin 263.2-ci (yol istismar qaydalarını pozma, zərərçəkənin ölümünə səbəb olduqda) maddəsi ilə cinayət işi başlanıb.