Rusiyanın Novosibrsk vilayətində bir şəxs hamilə qadını döyərək öldürüb.

Vesti.ru-nun xəbərinə görə, 34 yaşlı kişi səkkiz aylıq hamilə olan keçmiş sevgilisinin və onun bətnindəki uşağın ölümünə səbəb olub.

Belə ki, 32 yaşlı qadın aqressiv sevgilisindən uzaqlaşaraq ayrıca mənzil tutub və orada yaşayıb.

Onun yeni ünvanını tapan kişi yaşadığı mənzilinin qarşısında hamilə qadına hücüm edib. O, qadını təpikləyərək döyüb və bıçaqla yaralayıb.

Yaralı qadın təcili yadım çağırıb xəstəxanaya çatdırılsa da, onun və uşağın həyatını xilas etmək mümkün olmayıb.

Polis hadisəni törədən şəxsi Omskda mehmanxanada tapıb.

Sosial şəbəkələrdə hadisənin törədən şəxsin Rüstəm Fətullayev adlı şəxs olduğu yazılıb. İddiaya görə, o, qadını uşağın başqasından olduğunu düşündüyü üçün qısqanclıq zəminində bu hadisəni törədib.