Rusiya nefti şok səviyyəyə düşüb.

Oxu24.com  xəbər  verir   ki, Bloomberg-in  Argus müstəqil qiymət agentliyinin məlumatlarına istinadən yaydığı  məlumata  görə, Rusiya nefti dünya qiymətlərinin yarısına və G7-nin tətbiq etdiyi tavandan (barel üçün 60 dollar) çox ucuz satılır.

Nəşrin məlumatına görə, yanvarın 6-da Primorsk limanında Urals neftinin bir barreli 37,80 dollara, dünya benchmark Brent markalı neft isə həmin gün 78,57 dollara satılıb.

Bloomberg hesab edir ki, bazarda oxşar vəziyyət Aİ-nin Rusiya neftinin dəniz yolu ilə tədarükünə embarqo tətbiq etməsindən sonra  yaranıb.

Bundan əlavə, Rusiya neftinin qiymətinə məhdudiyyət qoyulması Rusiyanı Çin və Hindistandan daha çox asılı vəziyyətə salıb.

Ona görə də Rusiya Federasiyası agentliyin yazdığı kimi, nefti endirimlə satmaq zərurəti ilə üzləşib.

Beləliklə, Moskva Yaxın Şərqdən gələn təchizatla rəqabəti davam etdirə biləcək.

Tərcümə: Nigar