Avropa Futbol Assosiasiyaları İttifaqının (UEFA) İcraiyyə Komitəsi azyaşlı futbolçulardan (17 yaşadək) Rusiya milli komandalarının beynəlxalq turnirlərdə iştirakına icazə verib.

Bu barədə UEFA-nın saytında məlumat verilib.

Qadınlar və kişilərdən ibarət komandaların oyunlarını Rusiya Federasiyası ərazisində deyil, bayraqsız, himnsiz keçirəcəyi gözlənilir. Təşkilatın İcraiyyə Komitəsi həmçinin UEFA administrasiyasına püşkatma mərasimi keçirilsə belə, müvafiq yaşda olan Rusiya komandalarının turnirlərə daxil edilməsi üçün texniki həll tapmağı təklif edib.

2022-ci ilin yazında Beynəlxalq Futbol Federasiyası (FİFA) və UEFA Rusiya millisinin, eləcə də bütün Rusiya klublarının bu təşkilatların nəzarətində olan bütün yarışlarda iştirakını dayandırmaq qərarına gəlib.

Rusiya millisinin əsas komandası DÇ-2022-nin seçmə turniri çərçivəsində Xorvatiyaya qarşı (0:1) son rəsmi oyununu 2021-ci ilin noyabrında keçirib.

Müəllif: Nigar