Braziliya prezidenti Luiz İnasiu Lula da Silva ukraynalı həmkarı Vladimir Zelenski ilə görüşdən imtina edib.

Oxu24.com   xəbər  verir  ki,bu barədə TASS “O Globo” qəzetinə istinadən yazır.

Zelenski Argentina prezidentinin andiçmə mərasiminə gedərkən Braziliyada  Silva ilə görüşməyi təklif etsə də, o, bundan imtina edib.

Mənbə bildirir ki, sorğu “son anda” – dekabrın 7-də Lula da Silva və Braziliya Xarici İşlər Nazirliyinin nümayəndələri Cənubi Amerikada iştirak edən ölkələrin dövlət başçılarının sammitində olarkən edilib. 

Zelenskinin təklif etdiyi vaxt və şərait “qəribə hesab olunurdu”. Ukrayna lideri dekabrın 9-da axşam saatlarında Braziliyadakı aviabazada təyyarəsinə yanacaq doldurmaq üçün dayanıb. O, təyyarə enişindən iki saat sonra Argentinaya uçub.

Braziliyalı diplomatlardan biri nəşrlə paylaşıb: “Çox nadir hallarda belə görüşlər aviabazada hazırlıqsız və əvvəlcədən xəbərdar edilmədən keçirilir”.

May ayında Ukrayna və Braziliya liderləri Xirosimada keçirilən “Yeddilik Qrupu” sammitində iştirak ediblər, lakin Lula da Silvanın Zelenskinin “görmədiyini” dediyi ikitərəfli görüş keçirə bilməyiblər.

Braziliya prezidenti bəyan edib ki, ölkə Ukraynada atəşkəsə, eləcə də ədalətli və davamlı sülhə töhfə verə biləcək tədbirlərə qoşulmağa hazırdır.

Braziliya prezidentinin beynəlxalq məsələlər üzrə köməkçisi Selso Amorim Səudiyyə Ərəbistanında keçirilən beynəlxalq görüşdə videokonfrans vasitəsilə çıxış edərək, Rusiyasız Ukrayna üzrə real danışıqları qeyri-mümkün adlandırıb.

Bundan əvvəl Putin Braziliya prezidenti ilə söhbətində Ukrayna ilə bağlı dialoqa açıq olduğunu təsdiqləyib.

Müəllif: Miri