Oxu24.com xəbər  verir  ki, Reuters Pentaqondakı mənbələrə istinadən yazır ki, ABŞ Dövlət Departamenti İsrailə 106,5 milyon dollar dəyərində tank mərmiləri və müvafiq avadanlıqların göndərilməsinə icazə verib.

Söhbət 120 mm kalibrli M830A1 tank əleyhinə çoxməqsədli yüksək partlayıcı parçalanma mərmilərindən gedir.

Dekabrın 8-də ABŞ prezident administrasiyası Konqresdən İsrailə Qəzza zolağında İDF (İsrail Azadlıq Ordusu) əməliyyatında istifadə etmək üçün 45 min tank mərmisinin satışına icazə verilməsini istəyib.

Reuters-in qeyd etdiyi kimi, tələb İsrail və HƏMAS arasındakı münaqişədə Amerika silahlarının istifadəsinə dair artan narahatlıqlar fonunda verilir.

Oktyabrın 27-də İsrail Qəzzada quru əməliyyatını "genişləndirdiyini" elan etdi. Əməliyyatın dəqiq nə vaxt başladığı bilinmir, lakin onun ərəfəsində yüz minlərlə fələstinli evlərini tərk edərək sığınacaqlara və anklavın cənubuna köçüb.

Noyabrın 5-də quru əməliyyatı çərçivəsində İDF qüvvələri Qəzza şəhərini mühasirəyə alıb və onun təchizatını kəsib. Dekabrın 5-də İDF Qəzza zolağında quru əməliyyatının üçüncü hissəsinə başlayıb və zolağın cənubundakı Xan Yunis şəhərini mühasirəyə alıb.

Papa Fransisk daha əvvəl demişdi ki, müdafiə sənayesi səbəbindən dünya müharibəyə qərq olub.

Müəllif: Nigar