Dekabrın 2-nə keçən gecə İsrail Müdafiə Qüvvələri Qəzza zolağında HƏMAS və digər Fələstin qruplarına qarşı genişmiqyaslı əməliyyatlar həyata keçirib və Fələstin anklavının cənub hissəsində şiddətli döyüşlər gedir.

Oxu24.com xəbər  verir  ki,bu barədə şənbə günü “Times of Israel” məlumat yayıb.

Qəzet mənbələrə istinadən yazır ki, döyüşlər Qəzzanın cənubunda, Həmas rəhbərliyinin bir hissəsinin yerləşdiyi güman edilən Xan Yunis şəhəri ərazisində gedir.

Qəzzalılar bildirdilər ki, İDF Xan Yunisdə sakinləri cənubdan Rəfah şəhərinə köçməyə çağıran vərəqələr atıb və Xan Yunisdə qalmağın təhlükəli olduğu barədə xəbərdarlıq edib.

Hərbçilərin Qəzzaya göndərdiyi mesajda deyilir: “İD terror təşkilatlarına qarşı qətiyyətlə hərəkət edir, eyni zamanda dinc əhali ilə terrorçuları ayırd etmək üçün böyük səy göstərir”.

Vərəqələrdə qeyd olunur ki, “Qəzzalılar bizim düşmənimiz deyil... İD bu səhərdən Qəzzalıların mümkün qədər döyüş bölgələrindən çıxarılması üçün nəzarətli və məqsədyönlü təxliyyə həyata keçirir”.

Dekabrın 1-dən yenidən hərbi əməliyyatlara başlayan İsrail coğrafiyasını genişləndirib.

Müəllif: Nigar