İsrail və Fələstin arasındakı atəşkəs razılaşmasına noyabrın 24-də İsrail həbsxanalarından 39 fələstinli məhbusun azad edilməsi daxildir.

Oxu24.com xəbər  verir  ki,bu barədə Misirin “Al-Youm As-Sabia” qəzetində vəziyyətlə tanış olan rəsmi mənbəyə istinadən məlumat yayılıb.

“13 israilli və 39 fələstinli sabah azad ediləcək”, materialda deyilir.

Nəşrin məlumatına görə, azadlığa buraxılan məhbuslar arasında qadınlar və uşaqlar da var.

Məqalədə qeyd olunur ki, atəşkəs dövründə Misir Qəzza zolağına göndərdiyi yardımın həcmini iki dəfə artıracaq.

Bundan əvvəl Fələstin radikal HƏMAS hərəkatının rəhbərliyinin üzvü Bassem Naim Qətər, Misir və ABŞ-ın Qəzza zolağında noyabrın 24-də qüvvəyə minəcək atəşkəsin qarantı olduğunu bildirmişdi.

Müəllif: Miri Məcidli