Rusiya Xarici İşlər Nazirliyinin rəsmi nümayəndəsi Mariya Zaxarova Finlandiyanın Rusiyaya qarşı irəli sürdüyü “qaçqınların göndərilməsi” ittihamlarının heç bir əsası olmadığını və dezinformasiya olduğunu bildirib.

Oxu24.com xəbər verir  ki,onun sözlərinə görə, Finlandiya tərəfinin Rusiya ilə sərhədi bağlamaq ideyaları dağıdıcıdır və Avropada yeni ayırıcı xətlər yaratmaq təhlükəsi yaradır.

"Bu cür bəyanatları dezinformasiyadan başqa bir şey adlandırmaq olmaz və bu cür iddialar tamamilə əsassızdır.

Mənə elə gəlir ki, Finlandiya rəsmiləri özləri də etiraf edirlər ki, Rusiya tərəfi onların dediyi kimi, "miqrantların yoxlanılması" ilə məşğul olmağa borclu deyil. Zaxarova brifinqdə vurğulayıb.

Diplomat onu da əlavə edib ki, Helsinki narahat edən istənilən məsələdə birgə işləmək üçün Moskvaya müraciət etmək imkanına malikdir.

Xatırladaq ki, noyabrın 14-də Finlandiya Daxili İşlər Nazirliyi Rusiya Federasiyası ilə sərhəddə nəzarət-buraxılış məntəqələrinin fəaliyyətini məhdudlaşdırmaq üçün ölkə hökumətinə təkliflə çıxış etmək niyyətində olduğunu bildirmişdi. İddialara görə, buna Suriya, Yəmən, Somali və digər ölkələrdən çoxlu qaçqın axını səbəb olub.

Müəllif:Nigar