Rusiya hava hücumundan müdafiə sistemləri Bryansk vilayəti üzərində səmada pilotsuz uçuş aparatını (PUA) vurub.

Oxu24.com xəbər verir  ki,bu barədə Rusiya Müdafiə Nazirliyinin mətbuat xidməti rəsmi Telegram kanalında məlumat yayıb.

“Kiyev rejiminin PUA-nın terror aktı törətmək cəhdinin qarşısı alınıb”, - deyə nəşr bildirib.

Müdafiə Nazirliyindən verilən məlumata görə, pilotsuz uçan aparat təyyarə tipli olub.

Digər təfərrüatlar verilmir.

Bundan bir qədər əvvəl Bryansk vilayətinin qubernatoru Aleksandr Boqomaz bölgədə Ukraynaya məxsus PUA-nın məhv edildiyini açıqlamışdı. Hadisə Starodub rayonunda baş verib. Tələfat və dağıntı olmayıb.

Oktyabrın 31-də hava hücumundan müdafiə qüvvələri Belqorod vilayəti üzərində iki pilotsuz təyyarəni vurub. Birincisi Moskva vaxtı ilə təxminən 11:30-da, ikincisi isə Moskva vaxtı ilə təxminən 13:00-da məhv edilib.

Bundan əvvəl Rusiya pilotsuz təyyarələrin qarşısının alınması üçün yeni sistem yaratmışdı.

Müəllif: Nigar