Oxu24.com xəbər  verir  ki, AP-nin yerli polisə istinadən məlumatına  görə, Londonun mərkəzində 100 minə qədər iştirakçının iştirak etdiyi Fələstinə dəstək üçün kütləvi nümayiş keçirilib.

Agentliyin məlumatına görə, etirazçılar özləri ilə Fələstin bayraqları gətiriblər, onlar Qəzza zolağının blokadasına son qoyulmasını və İsrailin hava hücumlarının dayandırılmasını tələb ediblər.

London polisinin verdiyi məlumata görə, oktyabrda şəhərdə antisemitizm zəminində törədilən cinayətlərin sayı illik hesablamada 13 dəfə artıb. Eyni zamanda, müsəlmanlara qarşı törədilən cinayətlərin sayı iki dəfədən çox artıb.

Polis həmçinin izah edib ki, nümayişin əksəriyyəti yerli qanunlara uyğun baş verib, lakin qeyri-qanuni davranışların təcrid olunmuş halları qeydə alınıb.

Müəllif: Nigar