Aşdod şəhərində və İsrailin mərkəzi Negev səhrasında həyəcan siqnalı səslənib.

Oxu24.com xəbər verir ki,bu barədə ölkənin Müdafiə Ordusunun (IDF) mətbuat xidməti Telegram kanalında məlumat yayıb.

“Aşdod şəhərində sirenlər səslənib... Mərkəzi Negev bölgəsində sirenlər səslənib”, - məlumatda deyilir.

Eyni zamanda Fələstinin radikal HƏMAS hərəkatı onun hərbi qanadı Əl-Qəssam Briqadalarının Aşdoda raket zərbələri endirib.

"Əl-Qəssam Briqadaları mülki əhaliyə edilən hücumlara cavab olaraq işğal altındakı Aşdoda raket zərbələri endirib", - hərəkatın bəyanatında deyilir.

Həmas həmçinin Negevin şimalında yerləşən Beersheba şəhərinə raket atdığını təsdiqləyib.

Oktyabrın 7-də Həmas İsrailə bir neçə min raket atdı və Əl-Əqsa Daşqını əməliyyatının başladığını elan etdi. Minlərlə yaraqlı İsrailə soxulub və yüzdən çox insanı girov götürüb. Bunun fonunda İsrailin baş naziri Binyamin Netanyahu ölkənin müharibə vəziyyətində olduğunu açıqlayıb.

Buna cavab olaraq İsrail Müdafiə Qüvvələri (IDF) “Dəmir Qılınclar” əməliyyatına başlayıb, onun məqsədlərindən biri də HƏMAS-ı tamamilə məhv etmək olub. O vaxtdan bəri İsrail Hərbi Hava Qüvvələri Qəzza zolağında yaraqlıların hədəflərinə zərbələr endirməyi dayandırmayıb və orada qurudan hərbi əməliyyat keçirməyi planlaşdırır.

Müəllif:Nigar