İsrail hazırda Qəzza zolağından humanitar dəhlizlərin açılmasına razılıq verməyib.

Oxu24.com xəbər verir ki,bu barədə brifinqdə BMT baş katibinin rəsmi nümayəndəsi Stefan Düjarrik məlumat verib.

Düjarrik humanitar dəhlizlərin açılması üçün nə lazımdır sualına “İsrailin razılığı” cavabını verib.

Bundan əvvəl Fələstin prezidenti Mahmud Abbas bütün sosial xidmətlərin dayandırılması səbəbindən Qəzza zolağında humanitar fəlakətin baş verdiyini açıqlamışdı. MDB dövlətlərinin xarici işlər nazirləri də Qəzzada baş verən humanitar fəlakətdən narahatdırlar.

Oktyabrın 7-də səhər saatlarında İsrailə qarşı kütləvi raket zərbəsi endirilib. Qəzza zolağına rəhbərlik edən İslamçı HƏMAS hərəkatı hücuma görə məsuliyyəti öz üzərinə götürüb.

Buna cavab olaraq Qüds terrorla mübarizədə “Dəmir Qılınclar” əməliyyatına başladı. Onun birinci mərhələsi oktyabrın 8-nə keçən gecə başa çatıb.

Oktyabrın 10-da İsrail Müdafiə Qüvvələri Qəzza zolağında HƏMAS-ın hədəflərinə genişmiqyaslı hücuma başladığını elan edib. İsrail təyyarələri Qəzza zolağında HƏMAS-ın bir neçə obyektinə, o cümlədən arsenal və komanda məntəqəsinə zərbələr endirib. Cebaliyadakı komanda əməliyyat məntəqəsi də hücuma məruz qalıb.

Oktyabrın 12-də İsrailin müdafiə naziri Yoav Qalant ölkəyə “minlərlə radikalın” daxil olduğunu bildirib.

İsrailin Moskvadakı səfiri Aleksandr Ben Zvi media nümayəndələri ilə söhbətində bildirib ki, ölkə girovların azad edilməsi ilə bağlı Həmas ilə danışıqlar aparmır. Eyni zamanda o bildirib ki, Misirlə mülki və əcnəbilərin Qəzza zolağından çıxma ehtimalı ilə bağlı müzakirələr aparılır.

Müəllif: Nigar