Oxu24.com  xəbər verir ki, Avstriyanın xarici işlər naziri Aleksandr Şallenberq bildirib ki, hazırda Fələstin-İsrail münaqişəsinin yeni mərhələsi fonunda çox qeyri-sabit vəziyyət hökm sürür. Onun sözlərinə görə, Vyana yaxın perspektivdə qarşıdurmanın kəskinləşməsindən ehtiyat edir.

“Biz güman etməliyik ki, yaxşılaşmadan əvvəl yerdəki vəziyyət daha da pisləşəcək. Bizə çatan xəbərlər qorxuludur. Sadəcə musiqi festivalı ilə bağlı xəbərlərə baxın. Qorxuram ki, biz hələ hər şeyi görməmişik . Vəziyyət çox qeyri-sabitdir. Qorxuram ki, biz yaxın bir neçə həftə və ay ərzində bu işdə çox fəal iştirak edəcəyik”, - Şallenberq bildirib.

O əlavə edib ki, Avstriya tərəfi HƏMAS-ın yəhudi dövlətinə hücumu fonunda İsraildəki səfirliyinin təhlükəsizliyini gücləndirib. Şallenberq vurğulayıb ki, indiki vəziyyətdə 100-ə yaxın avstriyalı respublikanı tərk etmək arzusunu bildirib.

Oktyabrın 7-də HƏMAS İsrailə bir neçə min raket atdı və Əl-Əqsa Daşqını əməliyyatının başladığını elan etdi. Buna cavab olaraq Təl-Əviv “Dəmir Qılınclar” hərbi əməliyyatına başlayıb və həmçinin yəhudi dövlətini rəsmən müharibə vəziyyətində elan edib.

Müəllif:Nigar