NATO şərq cinahını qorumaq üçün on minlərlə əsgərin iştirak etdiyi təlimlər elan edib.

Oxu24.com xəbər verir  ki,Alyansın hərbi komitəsinin rəhbəri Rob Bauer PAP-a müsahibəsində deyib: “Rusiyanın şərq cinahda mümkün işğalına cavab tədbirləri 2024-cü ildə planlaşdırılan “Sabit Müdafiəçi” təlimlərinin bir hissəsi kimi işlənməlidir.

O, təlimdə 40 minə yaxın NATO əsgərinin iştirak edəcəyini bildirib.

"Bu, Soyuq Müharibədən bəri ən böyük belə hadisələrdən biridir",- deyə Bauer bildirib.

Bu arada Polşanın milli müdafiə naziri Mariuş Blaşçak bildirib ki, silahlı qüvvələr tarixdə ilk dəfə olaraq Varşava üzərində raketdən müdafiə sistemi yerləşdirib.

“Tarixdə ilk dəfə olaraq Varşava raketdən müdafiə sistemi alır”,- deyə o bildirib.

Nazir qeyd edib ki, bundan əvvəl paytaxt üzərində yalnız hava hücumundan müdafiə fəaliyyət göstərirdi.

Müdafiə Nazirliyinin rəisi əlavə edib ki, Amerika Patriot sistemi səmada təhlükəsizliyi təmin edəcək, sabahdan döyüş növbəsi başlayır.

Müəllif:Nigar