Almaniyanın paytaxtında Ukraynaya silah tədarükünə qarşı etiraz yürüşü keçirilib. Etirazçılar həmçinin hökumətin istefasını və növbədənkənar seçkilərin keçirilməsini tələb ediblər.

Oxu24.com xəbər verir ki,Berlin polisinin mətbuat xidmətindən  verilən məlumata görə, ilkin hesablamalara görə, etiraz yürüşündə təxminən 4 min insan iştirak edib.

Hüquq-mühafizə orqanlarının məlumatına görə, 350-yə yaxın insan bu aksiyaya qarşı çıxıb, lakin onlar yürüşə mane olmayıblar - yürüş zamanı yalnız bir neçə şifahi mübahisə baş verib.

Yürüşü sağçı Almaniya üçün Alternativ (AfD) partiyasına yaxın fəallar, eləcə də əvvəllər hökumətin COVID-19 ilə mübarizə tədbirlərinə qarşı çıxan Querdenker hərəkatının nümayəndələri elan ediblər. Bu hərəkat sağçı populist sayılır və bir sıra sağçı radikal təşkilatları birləşdirir.

Yürüş iştirakçıları, onların fikrincə, enerji siyasətində bir sıra səhvlərə yol verən və koronavirus infeksiyası ilə mübarizədə qeyri-qanuni addımlar atan hökumətin yenidən seçilməsinə çağırıblar. Etirazçılar həmçinin Kiyevə hərbi dəstəyi dayandırmağa, Ukraynadakı münaqişənin diplomatik yolla həllinə və Moskva ilə dostluq münasibətlərinin bərpasına çağırıblar.

Müəllif: Miri Məcidli