Estoniyada Rusiya dövlət nömrə nişanlı avtomobillərin sahiblərinə nəqliyyat vasitələrini yenidən qeydiyyata almaq və ya ölkədən çıxarmaq üçün 6 ay vaxt veriləcək.

Oxu24.com  TASS-a istinadən xəbər verir ki, bu barədə "Postimees" qəzeti respublikanın daxili işlər naziri Lauri Lanemetsin bəyanatına istinadən məlumat yayıb.

Estoniya Daxili İşlər Nazirliyinin dediyi kimi, ölkə sakinləri öz istifadələri üçün ölkəyə gətirilən avtomobili beş gün ərzində xüsusi reyestrdə qeydiyyatdan keçirməlidirlər. Əcnəbi avtomobilini bir ildir Estoniyada istifadə edirsə, qeydiyyatdan keçirməlidir. Həmçinin, avtomobil idxal edərkən sizdən dövriyyə vergisi və gömrük rüsumu ödənilməsi tələb olunur. Məsələn, avtomobilin qiyməti 20 min avrodursa, rüsum təxminən 2 min avro, vergi isə 4,4 min avro olacaq.

Sentyabrın 13-dən Latviya, Litva və Estoniyada Rusiyada qeydiyyatda olan avtomobillərə giriş qadağası qüvvəyə minib. Sentyabrın 16-da oxşar qadağa Finlandiyada da tətbiq edilib. Finlandiyaya artıq gəlmiş Rusiya nömrəli avtomobillər 2024-cü il martın 16-dək ölkədən ixrac edilməlidir. Norveç Rusiya avtomobillərinin ölkədə istifadəsini məhdudlaşdırmağı planlaşdırdığını açıqlayıb.

Sentyabrın 17-dən etibarən minik avtomobilləri üçün Estoniyadan Rusiyaya fövqəladə çıxışın qiyməti təxminən iki dəfə artıb.

Müəllif:Afət