Rusiyada ərinin sərxoş olması ilə bağlı müayinə proseduru zamanı iki yol polisi müfəttişinə hücum edən Voronej vilayəti sakini 2,5 il müddətinə azadlıqdan məhrum edilib.

Oxu24.com xəbər verir ki,bu barədə Bobrovski Rayon Məhkəməsinin mətbuat xidməti məlumat yayıb.

Həyat yoldaşları ilə yol polisi əməkdaşları arasında münaqişə 2023-cü il may ayının sonunda Bobrov şəhərində baş verib.

“Vətəndaş B.-nin sərxoş halda nəqliyyat vasitəsini idarə etməsi faktı ilə bağlı inzibati material tərtib edilərkən cavabdeh S.V.Belyayeva Rusiya Daxili İşlər Nazirliyinin Bobrovski ərazisində Dövlət Yol Hərəkəti Təhlükəsizliyi Müfəttişliyinin yol polisi əməkdaşlarının qanuni hərəkətlərindən narazı qalıb. Rayon Polis Şöbəsi əməkdaşlarının hər birinin üzünə bir zərbə endirərək onlara fiziki ağrılar verib”, - deyə məhkəmədən bildirilib.

Hökumət məmurlarına hücuma görə məhkəmə Belyayevanı Rusiya Federasiyası Cinayət Məcəlləsinin 318-ci maddəsinin 1-ci hissəsi ilə 2 il 6 ay müddətinə ümumi rejimli koloniyada həbs cəzasına məhkum edib. O, məhkəmə zalında nəzarətə götürülüb.

Müəllif: Miri Məcidli