BMT-nin baş katibi Antonio Quterreş dəfələrlə Ukrayna münaqişəsi zonasında kaset bombalarından istifadəyə dərhal son qoymağa çağırıb.

Oxu24.com  xəbər verir ki, bunu təşkilat rəhbərinin müavini və tərksilah məsələləri üzrə ali nümayəndəsi İzumi Nakamitsu deyib.

Onun sözlərinə görə, kaset bombalarının tədarükü və onların döyüş əməliyyatları zamanı istifadəsi ilə bağlı məlumatlar çox narahatlıq doğurur. O əlavə edib ki, bu cür silahlar “tarixə çevrilməlidir”.

"BMT-nin Baş katibi dəfələrlə kasetli sursatların istifadəsini dərhal dayandırmağa çağırıb", - Nakamitsu vurğulayıb.

Sentyabrın 12-də Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova bildirib ki, Amerikanın uzaqmənzilli raketlərinin Ukraynaya ötürülməsi və kasetli sursatların tədarükünün davam etdirilməsi böhranın kəskinləşməsinə səbəb ola bilər. Belə ki, diplomat Ağ Evin Kiyev hakimiyyətinin müvafiq müraciəti ilə bağlı müsbət qərar qəbul etməyə yaxın olduğu Reuters xəbərini şərh edib.

İyulun 7-də Amerika prezidenti Co Bayden Ukraynaya kaset sursatlarının tədarükünü elan edib. Ağ Evin sahibi bu qərarını Kiyevdə şərti mərmi çatışmazlığı ilə izah edib.

Müəllif: Afət