Şimali Koreya Ukraynadakı müharibə üçün Rusiyanı artilleriya mərmiləri və digər silahlarla təmin edərsə, bu, Kremlə getdikcə azalmaqda olan sursat ehtiyatlarını doldurmağa kömək edə bilər, lakin çətin ki, münaqişənin gedişatını dəyişsin.

Oxu24.com xəbər verir  ki, Reuters Qərb hərbi analitiklərinə istinadən yazır.

Şimali Koreyanın Sovet dövründən qalma silahlara uyğun böyük bir artilleriya mərmisi və raket ehtiyatına malik olduğu güman edilir ki, bu da qısa müddətdə Rusiyanın imkanlarını xeyli artıracaq, Şimali Koreyanın istehsal xətləri isə uzunmüddətli perspektivdə kömək edəcək.

"Sursatların demək olar ki, heç biri heç bir şəkildə "müasir" deyil - onlar Rusiya baraj artilleriyasının ənənəvi istifadəsini dəstəkləyəcəklər, lakin Rusiyanı heç bir dəqiq idarə olunan sursatla təmin etməyəcəklər", deyə  ekspert  bildirib..

Bundan əvvəl ABŞ Rusiyanın Şimali Koreyadan “sözün həqiqi mənasında milyonlarla” artilleriya mərmisi və raket almaq istədiyini bildirmişdi.

Müəllif: Miri Məcidli