Rusiyanın xarici işlər naziri Sergey Lavrov “Wagner PMC” şirkətinin təsisçisi Yevgeni Priqojinin təyyarə qəzasını şərh edərkən diqqəti Qərb mediasının dediklərinə deyil, faktlara yönəltməyə çağırıb.

Oxu24.com xəbər verir  ki,onun sözləri jurnalist Pavel Zarubinin teleqram kanalında  dərc olunan "Moskva. Kreml. Putin" verilişində  qeyd  edilib.

“Mən onların bu mövzuda yazdıqlarını, söylədiklərini və göstərdiklərini izləmədim və buradan mənim üçün çox çətindir . Hər hansı şərh vermək çətindir. Mən Qərb mediasının dediklərinə deyil, faktlara diqqət yetirməyi təklif edərdim”, - deyə nazir bildirib.

O, əlavə edib ki, dərhal istintaq başlayıb, ekspertlər hazırda bütün halları araşdırır.

Rəsmi məlumatlara görə, avqustun 23-də axşam saatlarında Tver vilayətində Kujenkino kəndi yaxınlığında qəzaya uğrayan təyyarədə on nəfər olub, onların hamısı həlak olub. Sərnişinlər arasında iş adamı Yevgeni Priqojin də olub. Faktla bağlı BQXK cinayət işi açıb.

Müəllif: Nigar