Oxu24.com xəbər  verir  ki, ABŞ vətəndaşlarını təcili Belarusu tərk etməyə çağırıb.

Litvanın Belarusla bəzi sərhəd-keçid məntəqələrini bağladığını qeyd edən ABŞ-ın Minskdəki səfirliyi, “Polşa, Litva və Latviya hökumətləri Belarusla daha çox sərhəd-keçid məntəqələrinin bağlanmasının mümkün olduğunu bildirdilər. Belarusdakı ABŞ vətəndaşları dərhal ölkəni tərk etməlidirlər”,-deyə rəsmi  bəyanata qeyd edilir.

ABŞ-ın Minskdəki səfirliyindən verilən yazılı açıqlamada Litvanın Belarusla bəzi sərhəd qapılarını bağlamağa qərar verdiyi xatırladılıb.

Bəyanatda həmçinin ABŞ vətəndaşlarına Belarusa səfər etməmələri ilə bağlı xəbərdarlıq edilib və ABŞ-ın Minskdəki səfirliyinin ölkədəki ABŞ vətəndaşlarına göstərə biləcəyi yardımın məhdud olduğuna diqqət çəkilib.

Bəyanatda ABŞ vətəndaşlarına Rusiya və Ukraynaya səfər etməmək barədə xəbərdarlıq da yer alıb.

Müəllif:Afət