Rusiyanın Kiprdəki səfirliyi tezliklə adanın şimal hissəsində konsulluq xidmətləri göstərməyə başlayacaq. İşlərin mütəmadi olaraq aparılacağı qeyd olunur.

Oxu24.com xəbər verir ki, Bu barədə TASS-ın müxbirinə səfirliyin nümayəndəsi məlumat verib.

“Biz yaxın vaxtlarda Nikosiya şəhərinin şimal hissəsində konsulluq xidmətləri göstərməyə başlayacağıq. İşlər mütəmadi olaraq aparılacaq”, - mənbə bildirib.

Rusiyanın Kipr Respublikasındakı səfiri Murat Zyazikov TASS-a bildirib ki, Kiprin şimal hissəsində konsulluq xidmətləri göstərməyə başlamaq qərarı yalnız “orada yaşayan rus soydaşlarına olan qayğı” ilə diktə edilib.

Bəzi hesablamalara görə, bu gün Kiprin şimalında 50 mindən çox rus yaşayır.

Eyni zamanda Şimali Kipr Türk Cümhuriyyətinin Xarici İşlər Naziri Tahsin Ərtoğruloğlu Rusiyanın KKTC-də konsulluq açmaq qərarının bir ildir danışıldığını və bunun Lefkoşanın diplomatik tanınması kimi şərh edilməməsi lazım olduğunu bildirib. 

Müəllif: Nigar