Sankt-Peterburqda uşaq meydançasında oynayan üç yaşlı uşaq yola çıxıb  və avtomobil onu vurub.

Oxu24.com -un məlumatına görə, görə, körpə böyüklərin nəzarəti olmadan küçədə gəzirmiş.

Faciə  anı videoya çəkilib.

Kadrlarda əlində oyuncaq təyyarə olan oğlanın uşaq meydançasından qaçaraq evin yaxınlığındakı yola çıxması əks olunub.

Bu zaman yoldan maşın çıxır, sürücü sürəti azaltmağa vaxt tapmır və uşağı vurur. Uşaq bir neçə metr uzağa atılıb. Maşından bir kişi və bir qadın qaçaraq təcili yardım çağırmağa başlayıb və körpəyə ilkin tibbi yardım göstərməyə çalışıblar. Daha sonra sürücü və yoldaşı oğlanın anasını tapmağa çalışıb.

Körpə ağır vəziyyətdə xəstəxanaya yerləşdirilib. Onun çoxsaylı sınıqları və hematomları olduğu müəyyən edilib.

Regional Daxili İşlər Nazirliyinin mətbuat xidmətindən verilən məlumata görə, qəza faktı yoxlanılır. Uşağı vuran Volvo markalı avtomobili 31 yaşlı kişi idarə edirdi. Qəza şənbə günü, iyunun 24-də, Primorski rayonunda Lidiya Zvereva küçəsindəki məktəbin yaxınlığında baş verib.

Tərcümə: Aynurə Məcidova