Latviya bütün “Stinger” raketlərini Ukraynaya verəcək.

Oxu24.com xarici mediaya  istinadən  xəbər  verir   ki, Latviyanın müdafiə naziri İnara Murniece bütün "Stinger" hava hücumundan müdafiə raket sistemlərini Ukraynaya təhvil verəcəklərini açıqlayıb.

Latviyanın müdafiə naziri İnara Murniece dünən Almaniyanın Ramşteyn aviabazasında keçirilən Ukrayna Müdafiə Təmas Qrupunun iclasında iştirak edib.

Nazir İnara Murniece görüşdən sonra verdiyi açıqlamada bütün "Stinger" hava hücumundan müdafiə raket sistemlərini Ukraynaya göndərəcəklərini bildirib.

"Biz onları mümkün qədər tez köçürmək üçün əlimizdən gələni edəcəyik" deyə Murniece bildirib.

Murniece bəyan edib ki, Latviya ordusu müdafiəsiz qalmayacaq və İsveç istehsalı olan RBS-70 hava hücumundan müdafiə sistemləri orduda xidmətini davam etdirəcək.

Ukrayna əsgərlərinə təlim verməyə davam edəcəklərini vurğulayan Murniece, 2022-ci ilə nisbətən iki dəfə çox əsgər yetişdirməyi planlaşdırdıqlarını qeyd edib.

Tərcümə: Miri Məcidli