Rusiya məhkəməsi  erməni əsilli şəxsi həbs edib.

Erməni əsilli ABŞ vətəndaşı Andre Xaçaturyan Rusiyada silah qaçaqmalçılığına görə 8 il həbs cəzasına məhkum edilib.

Oxu24.com xəbər  verir  ki, bu qərarı Moskva vilayətinin Ximki Məhkəməsi qəbul edib.

2021-ci il dekabrın sonunda Xaçaturyan Moskvada transferlə Los-Ancelesdən İrəvana uçub. O, Şeremetyevo hava limanında hüquq-mühafizə orqanlarının əməkdaşları tərəfindən saxlanılıb, həbs zamanı gömrükçülər ondan patronları olan “Glock 17” döyüş tapançasını müsadirə ediblər.

37 yaşlı erməni qanunsuz silah alverində (Rusiya Federasiyası Cinayət Məcəlləsinin 222-ci maddəsinin 1-ci hissəsi) və silah qaçaqmalçılığında (Rusiya Federasiyası Cinayət Məcəlləsinin 226.1-ci maddəsinin 1-ci hissəsi) təqsirli bilinib.

Müdafiə tərəfi cinayət tərkibi olmadığına görə təqsirləndirilən şəxsə 222-ci maddə ilə bəraət verilməsini xahiş edib, çünki aviaşirkət silah olan çantanı yük kimi qəbul edib.

Vəkillərin sözlərinə görə, Xaçaturyan heç bir qanunu pozmadığına əmin olub və baqajından tapılan silahları başqa əşyalarla birlikdə xüsusi olaraq gizlətməyib.

Vəkil İqor Buşmanov bildirib ki, müttəhim silahların daşınması üçün rəsmi sənədlər vermədiyinə görə peşmandır. Müdafiəçilər hökmü qeyri-mütənasib hesab edir və ondan apellyasiya şikayəti vermək niyyətindədirlər.

Tərcümə: Miri Məcidli