Estoniya hökuməti Finlandiya körfəzində Rusiya gəmiçiliyinə mane olacaq sahilboyu “bitişik zona” tətbiq etmək niyyətindədir.
Oxu24.com xarici mediaya istinadən xəbər verir ki, təklif ölkənin Xarici İşlər Nazirliyi tərəfindən irəli sürülüb və Nazirlər Kabinetinin yanvarın 12-də keçirilən iclasında bir ay müddətində onun işlənib hazırlanması tapşırılıb.
Estoniyanın xarici işlər naziri Urmas Reinsalu bildirib ki, "bitişik zona"nın tətbiqi Estoniyanın ərazi dənizinin əsas xəttinin 24 dəniz mili məsafəsində Estoniya qanunvericiliyinə uyğunluğu yoxlamağa imkan verir.
Onun sözlərinə görə, dövlətin “bitişik zonada” hüququ gömrük və vergi məsələləri ilə yanaşı, sanitar və immiqrasiya qaydalarına da şamil edilir.
Xarici İşlər Nazirliyinin beynəlxalq hüquq bürosunun direktoru Kristi Land bildirib ki, “bitişik zona” Estoniyanın nəzarətində olan əlavə dəniz zonasına çevriləcək.
Tərcümə: Nigar
Oxu24.com
ŞƏRHLƏR