Daha bir ölkə hərbi büdcəsini rekord səviyyədə artırırb.
ABŞ-ın ardınca Rusiyanın daha bir rəqibi silaha milyardlar xərcləyir.
Oxu24.com xəbər verir ki,“Amerikanın Səsi” yazır ki, Yaponiya İkinci Dünya Müharibəsindən bəri ən böyük 320 milyard dollarlıq hərbi quruculuq planını açıqlayıb.
Bu plana Çini vura bilən raketlərin alınması və ölkəni uzun sürən hərbi münaqişəyə hazırlamaq daxildir.
Beşillik planın həyata keçirilməsi hesablamalara görə, Yaponiyanı hərbi xərclərə görə ABŞ və Çindən sonra üçüncü yerə çıxaracaq.
Baş nazir Fumio Kişida deyib ki, Yaponiya xalqı "tarixdə dönüş nöqtəsindədir" və hərbi güclənmə onun "qarşılaşdığımız müxtəlif təhlükəsizlik çağırışlarına" cavabıdır.
Kişida hökuməti ehtiyat edir ki, Rusiya Çini Tayvana hücuma sövq edəcək və bu yaxınlıqdakı Yapon adalarını təhdid edə, yarımkeçirici təchizatını poza və Yaxın Şərqdən neft gətirən gəmiçilik marşrutlarında ciddi problemlər yarada bilər.
Yaponiya səlahiyyətliləri həmçinin avadanlıq və sursat ehtiyatı yığacaqlarını, nəqliyyat imkanlarını genişləndirəcəklərini və kiberməkanda müharibə potensialını inkişaf etdirəcəklərini bildiriblər.
Strategiya sənədində deyilir: “Rusiyanın Ukraynaya müdaxiləsi güc tətbiqini qadağan edən qanunların ciddi şəkildə pozulmasıdır və beynəlxalq nizamın əsaslarını sarsıdıb”.
Yaponiyanın baş naziri Kişidanın planı beş il ərzində müdafiə xərclərinin ÜDM-in 2%-nə qədər artırılmasını nəzərdə tutur ki, bu da 1976-cı ildən bəri mövcud olan 1%-lik özünüməhdudiyyətin ləğvi deməkdir.
Tərcümə: Miri Məcidli
Oxu24.com
ŞƏRHLƏR