Şotlandiya sakini universitetə ​​daxil olmaq üçün striptiz klubundakı işini tərk edib, sonra isə təhsilini yarımçıq qoyub, intim foto və videolarını sataraq pul qazanmağa başlayıb.

 bildirir ki, bu barədə "New York Post" məlumat yayıb.

30 yaşlı altı uşaq anası Liza Mari Mazers əri və övladları ilə 2013-cü ildə Norveçdən Şotlandiyaya köçüb. Qadın Norveç hakimiyyəti ilə həll olunmamış hüquqi mübarizəyə görə Beynəlxalq Cinayət Polisi Təşkilatı (İnterpol) tərəfindən axtarışa verildiyini iddia edib.

Köçdükdən sonra Mazers striptizçilər haqqında məqalə oxuyub, həvəslənib və striptiz klubunda işə düzəlməyə qərar verib. Ayda təxminən üç min funt-sterlinq qazanıb və bundan məmnun olub. Lakin ictimai rəy və stereotiplər çoxuşaqlı ananın üzərinə təzyiq göstərdiyi üçün o, işini atıb universitetə ​​daxil olub.

Təhsil alarkən əlavə gəlir əldə etmək üçün Mazers "OnlyFans"da məzmun satmağa başlayıb. Vaxt keçdikcə satışdan gələn gəlir artıb və qadın təhsilini atmaq qərarına gəlib. "Mən bilirdim ki, "OnlyFans" daha çox gəlir gətirəcək, ona görə də təhsilimi tərk etməli oldum", - o deyib.

Mazersin məzmunu abunəçilər arasında o qədər uğurlu olub ki, ona əməkdaşlıq təklif edən bir agentlik onu görüb. O, razılaşıb və indi gündə altı-səkkiz saat ərzində müştərilər üçün məzmun çəkir. Mazersin sözlərinə görə, əri onun karyerasını tam dəstəkləyir. 2017-ci ildə o, hətta sinə böyütmə əməliyyatını ödəmək üçün evini satıb. İnvestisiya əbəs yerə olmayıb: indi qadın ayda təxminən yüz min funt sterlinq qazana bilər.